Proiektua ikuspegi arkitektoniko/urbanistiko eta diziplinartekoa du, kalitatezko kanpoko topaguneen diseinuan oinarritua (plazak, kaleak, parkeak, etab.), ingurune hurbilaren gozamen aktiboa erraztuko dutenak. Harreman sozialak indartuz, jarduera fisikoa sustatuz eta teknologia digitalak integratuz. Gainera, Gipuzkoako lurraldeko elkarguneetako hiri-inguruneen ezaugarri diren gizarte-, arkitektura- eta hirigintza-alderdiak xehetasunez aztertzea proposatzen da.

Proiektuaren helburua da:​​​

• Zahartze aktiboa, inklusiboa eta askotarikoa sustatzea, kanpoko espazio publiko irisgarri eta lagunkoien bidez, elkarreragin soziala erraztuko dutenak eta pertsona guztien jarduera fisikoa sustatuko dutenak.
•  Nahi ez diren bakardadeen pertzepzioak prebenitzea eta arintzea, kanpoko espazioak diseinatuz, emozioen osasuna hobetzeko eta adinekoen gizarteratzea bultzatzeko.
• Autonomia funtzionala handitzea eta segurtasunaren pertzepzioa hobetzea (batez ere emakumeen aldetik), adineko guztiek hiri-ingurunea eta/edo landa-ingurunea erraz eta kalitatez igaro eta goza dezaten ahalbidetzeko.
• Bizimodu independentea babestea eta eten digitala murriztea hiri-ingurune digital adimendunak diseinatuz.
• Hirigintza-plangintzan parte hartzen duten profesionalei eta erakundeei zuzendutako diseinu-gida bat sortzea, pertsonek zeharkatzen duten espazio fisikoaren eraldaketa sustatzeko.
• Hainbat proiektu pilotu garatzea, garatutako diseinu-gida aplikatuta, proposatutako eredua ebaluatzeko, hobetzeko eta baliozkotzeko.
• Proiektu pilotuak benetan gauzatzen parte hartzen duten/interesa duten erakundeei laguntzeko ibilbide-orria zehaztea.
• Gipuzkoan proposatutako eredua sustatzea Euskadin, Espainian eta Europan.

Harremanaterako

UPV/EHU CAVIAR-Calidad de vida en arquitectura
Arkitekturako Goi Eskola Teknikoa
Oñati Plaza, 2
20018, Donostia – San Sebastián
caviar@ehu.eus