Txosten honen helburua da 16 eta 29 urte bitarteko gazteen artean nahi ez den bakardadeak Espainian duen eragina identifikatzea, kausa edo korrelazio posibleak aztertuz. Gai horri buruz orain arte gure herrialdean egin den lehen azterlana da.

SoledadES Behatokiak aurretik egindako azterlanek – Gizarteak nahi ez duen bakardadeaz duen pertzepzioari buruzko txostena edo Bakardadeak Espainian duen kostua azterlana – eta nazioarteko ikerketek egiaztatzen dute nahi ez den bakardadeak bereziki eragiten diela gazteei.

Ikerketa 16 eta 29 urte bitarteko (biak barne) 1.800 pertsonari egindako inkesta batean oinarritzen da. Inkestan bakardadearen prebalentziak lortzen dira, eta horrek aukera ematen du bakarrik sentitzen diren gazteen eta bakarrik sentitzen ez direnen emaitzak alderatzeko. Aldagai anitzeko azterketa bat ere egin da, gazteen bakardadeak dituen arrisku-faktore esanguratsuak zehazteko. Era berean, azterlanaren emaitzetatik abiatuta, eztabaida-talde bat egin da adituekin, nahi gabeko bakardadeari, gazteriari eta kolektibo kalteberei buruz, politikei eta programei buruzko irtenbideak eta gomendioak proposatzeko.